जळगाव : कृषी उत्पन्न बाजार समितीमध्ये बुधवारी (ता. १५) आल्याची २५ क्विंटल आवक झाली. त्यास प्रतिक्विंटल ३००० ते ७००० व सरासरी ४५०० रुपये दर मिळाला. आवक पाचोरा, यावल, सिल्लोड (जि. औरंगाबाद) भागातून होत असल्याची माहिती मिळाली. 

बाजारात बुधवारी आंब्याची ३५ क्विंटल आवक झाली. त्यास प्रतिक्विंटल ३५०० ते ५००० व सरासरी ३००० रुपये दर मिळाला. बीटची १५ क्विंटल आवक झाली. दर १५०० रुपये प्रतिक्विंटल मिळाला. बी काढलेल्या चिंचेची दोन क्विंटल आवक झाली. तिला प्रतिक्विंटल ८००० रुपये दर होता. लिंबाची चार क्विंटल आवक झाली. त्यास प्रतिक्विंटल २००० ते ५००० व सरासरी ३१०० रुपये दर मिळाला. कलिंगडाची १५ क्विंटल आवक, तर दर प्रतिक्विंटल ४०० ते १००० व सरासरी ६०० रुपये, बटाट्याची ३५० क्विंटल आवक, तर दर ४५० ते ११०० व सरासरी ७०० रुपये, भेंडीची सात क्विंटल आवक, तर दर १००० ते ३००० व सरासरी १५०० रुपये, कारल्यांची चार क्विंटल आवक, तर दर १५०० ते ३१०० व सरासरी २००० रुपये मिळाला.

लाल कांद्याची ११६५ क्विंटल आवक झाली. त्यास प्रतिक्विंटल ३०० ते ८२५ व सरासरी ५५० रुपये दर होता. कोबीची १२ क्विंटल आवक झाली. तिला प्रतिक्विंटल १००० ते २२०० व सरासरी १५०० रुपये दर मिळाला. चवळीची दोन क्विंटल आवक, तर दर प्रतिक्विंटल ३२०० रुपये, पालकाची ११ क्विंटल आवक, तर दर ६०० ते १५०० व सरासरी ८०० रुपये, गाजरांची आठ क्विंटल आवक, तर दर ६०० ते १२०० व सरासरी ८०० रुपये, हिरव्या मिरचीची २५ क्विंटल आवक, तर दर १५०० ते ३५०० व सरासरी २१०० रुपये दर होता. गिलक्‍यांची दोन क्विंटल आवक झाली. त्यांना प्रतिक्विंटल ३००० रुपये दर मिळाला.

कोथिंबिरीची पाच क्विंटल आवक झाली. तिला प्रतिक्विंटल २२०० ते ५५०० व सरासरी ३५०० रुपये दर होता. मेथीची चार क्विंटल आवक झाली. तिला प्रतिक्विंटल २००० ते ५००० व सरासरी ३००० रुपये दर मिळाला.