औरंगाबाद : येथील कृषी उत्पन्न बाजार समितीमध्ये हिरव्या मिरचीसह बटाटे, टोमॅटोच्या आवकेत जुलैअखेर व ऑगस्टच्या पहिल्या पाच दिवसांत चढउतार पाहायला मिळाला. हिरव्या मिरचीची आवक २३ ते १५०  क्‍विंटलपर्यंत; तर टोमॅटोची आवक ७० ते २४४ क्‍विंटल व बटाट्याची आवक ६०० ते १२०० क्‍विंटलदरम्यान झाली.

आवकेतील चढउतार प्रमाणेच टोमॅटो, बटाटे व हिरव्या मिरचीच्या दरातही चढउतार पहायला मिळाला. हिरव्या मिरचीला सरासरी १२५० ते २७५० रुपये प्रतिक्‍विंटल पर्यंत दर मिळाला.

टोमॅटोचे दर ९०० ते २२५० रुपये प्रतिक्‍विंटलपर्यंत  राहिले; तर बटाट्याला १२५० ते १५०० रुपये प्रतिक्‍विंटलपर्यंत दर मिळाल्याची माहिती बाजार समितीच्या सूत्रांनी दिली. अलीकडे ३० जुलैला १५० क्‍विंटल आवक झालेल्या हिरव्या मिरचीला १२०० ते १६०० रुपये प्रतिक्‍विंटलचा दर मिळाला.