सातारा ः येथील कृषी उत्पन्न बाजार समितीत मंगळवारी (ता.९) गवार, दोडका, वाटाणा, कोथिंबीर तेजीत आहेत. गवारीची दोन क्विंटल आवक झाली असून, दहा किलो गवारीस ४०० ते ५०० रुपये दर मिळाला. गवारीस रविवारच्या तुलनेत (ता.७) दहा किलो मागे ५० रुपयांची दरवाढ झाल्याची माहिती बाजार समितीच्या सूत्रांनी दिली. दोडक्‍याची सहा क्विंटल आवक झाली असून, दहा किलो दोडक्‍यास ३०० ते ४०० रुपये दर मिळाला. दोडक्‍यास दहा किलो मागे ५० रुपयांची दरवाढ झाली आहे. वाटाण्याची २६ क्विंटल आवक होऊन दहा किलोस २८० ते ३२० रुपये दर मिळाला. काळा घेवड्याची १२ क्विंटल आवक होऊन दहा किलोस ४०० ते ५०० रुपये दर मिळाला. शेवग्याची सात क्विंटल आवक होऊन दहा किलोस ४०० ते ५०० रुपये दर मिळाला. वाल घेवड्याची २५ क्विंटल आवक होऊन दहा किलोस ३०० ते ३५० रुपये दर मिळाला. पावट्याची सहा क्विंटल आवक होऊन दहा किलोस ४०० ते ४५० रुपये दर मिळाला. भेंडीची १२ क्विंटल आवक होऊन दहा किलोस ३०० ते ४०० रुपये दर मिळाला. हिरवी मिरचीची १७ क्विंटल आवक, तर दहा किलोस २०० ते २५० रुपये दर मिळाला. वांग्याची १३ क्विंटल आवक होऊन दहा किलोस १५० ते २०० रुपये दर मिळाला. टोमॅटोची ५६ क्विंटल आवक तर दहा किलोस ६० ते ८० रुपये दर मिळाला. पालेभाज्यात कोथिंबीर तेजीत आहे. कोथिंबीरीची ३२०० जुड्याची आवक होऊन शेकड्यास २०० ते ३०० रुपये दर मिळाला. मेथीची ३००० जुड्याची आवक होऊन शेकड्यास ३०० ते ४०० रुपये दर मिळाला. डाळिंबाची ३० क्रेटची आवक होऊन प्रतिक्रेटला ३०० ते ७०० रुपये दर मिळाला.