औरंगाबाद : येथील कृषी उत्पन्न बाजार समितीमध्ये गत १४ ते १९ सप्टेंबर दरम्यान आठवडाभरात मूग, उडीद, ज्वारी, गहू , बाजरीच्या आवक व दरात चढ-उतार पाहायला मिळाले.

औरंगाबाद बाजार समितीमध्ये १८ सप्टेंबरला १०९ क्विंटल आवक झालेल्या बाजरीचे दर १०७० ते १३०० रुपये प्रतिक्विंटल राहिले. १९ सप्टेंबरला १०० क्विंटल आवक झालेल्या बाजरीला १०७० ते १४०० रुपये प्रति क्विंटल असा दर मिळाला.१८ सप्टेंबरला ५ क्विंटल आवक झालेल्या उडदाला ३००० ते ५००० रुपये प्रति क्विंटलचा दर मिळाला. १९ सप्टेंबरला २ क्विंटल आवक झालेल्या उडदाला ४००० ते ४५०० रुपये प्रति क्‍विंटल असा दर मिळाला.

१८ सप्टेंबरला २५ क्विंटल आवक झालेल्या मुगाचे दर ४००० ते ५९०० रुपये प्रति क्विंटल राहिले. १९ सप्टेंबरला १० क्विंटल आवक झालेल्या मुगाला ४००० ते ६००० रुपये प्रति क्विंटलचा दर मिळाला. १८ सप्टेंबरला २३  क्विंटल आवक झालेल्या ज्वारीला ९५० ते २५०० रुपये प्रति क्विंटल असा दर मिळाला. १९ सप्टेंबरला ज्वारीची आवक ९ क्विंटल तर दर १८०० ते २५०० रुपये प्रति क्विंटल राहिले.

१८ सप्टेंबरला १२२ क्विंटल आवक झालेल्या गव्हाला १४७५ ते १८०० रुपये प्रतिक्विंटलचे दर मिळाले. १९ सप्टेंबरला ५२ क्विंटल आवक झालेल्या गव्हाला १४०० ते १६७५ रुपये प्रति क्विंटलचा दर मिळाला.