Team Agrowon
यंदा बाजारात जांभळे उशिराच दाखल झाली आहेत. जांभूळ आरोग्यदायी आणि हंगामी फळ असल्याने त्याची चव घेण्यासाठी खवय्ये आतुरतेने वाट पाहत असतात.
सध्या एक किलो जांभळाचा दर ४०० रुपयांपुढे गेला आहे. मधुमेहात जांभूळ गुणकारी असल्याने त्याला सोन्याचा भाव आला आहे.
रानमेवा म्हणून भेटणाऱ्या जांभळाला फळांच्या पंगतीत वरचे स्थान प्राप्त झाले आहे.
उपलब्धतेनुसार दरवाढ असल्याने शेतकऱ्यांना दिलासा मिळाला आहे. जांभळात ब्लूबेरीच्या तुलनेत जास्त फायबर असते. ज्यामुळे मधुमेहींसाठी जांभळाचे सेवन हा उत्तम पर्याय ठरतो.
जांभूळ फळामध्ये व्हिटॅमिन सी, लोह आणि पोटॅशियम भरपूर प्रमाणात असते. लोह हिमोग्लोबिनची पातळी सुधारते आणि रक्त नैसर्गिकरीत्या शुद्ध करते.
पोटॅशियम रक्तदाब नियंत्रित करते. ब्लूबेरी हे व्हिटॅमिन के, मँगनीजचे समृद्ध स्त्रोत आहेत; परंतु त्यामध्ये व्हिटॅमिन सी कमी प्रमाणात आहे.
जांभळात असणारी संयुगे कोलेस्टेरॉल जमा होण्याचे प्रमाण कमी करते.