Team Agrowon
चिमणीचे संवर्धन आणि यासाठीच्या लोकचळवळीला बळ देण्याकरिता २० मार्च २०१० पासून जागतिक चिमणी दिन साजरा केला जातो.
भारतात सगळीकडे सर्वात जास्त संख्येने सापडणारा, विणीचा हंगाम वर्षभर असू शकणारा, माणसाच्या जवळपास राहणारा आणि त्यामुळे नेहमी दिसणारा पक्षी अशी चिमणीची ओळख आहे.
उन्हाळा सुरू झाला आहे, या चिमण्यांसह इतर पक्षांकरिता अन्न-पाण्याची व्यवस्था आपल्या घरपरिसरात अनेक जण करत असतात.
शेतपरिसरात दररोज दिसणारे चिमण्यांचे थवे आता नियमित दिसत नाही, त्यामुळे पिकांवर रोग-किडींचे आक्रमण वाढू लागले आहे.
बदलत्या बांधकामाच्या पद्धतीमूळे चिमण्यांच्या निवासावर देखील परिणाम होत आहे.
कमी होत चाललेली जंगले आणि शहरात निर्माण झालेली मोबाईल टॉवर्स व तारांची जंगले यामुळेही चिमणीला धोका निर्माण झाला आहे.
भारतात पाच प्रजातींच्या चिमण्या आढळून येतात. त्यामध्ये, स्थलांतर करणाऱ्या प्रजातींचादेखील समावेश आहे.