sandeep Shirguppe
लोकसभा निवडणुकीच्या पार्श्वभूमिवर आचारसंहिता लागू करण्यात आली आहे. याचा थेट परिणाम अनेक उद्योगांवर होणार आहे.
कोल्हापुरातील हुपरी परिसरात कोट्यावधींची चांदी व्यापाराची उलाढाल होत असते. परंतु आचारसंहिता काळात यावर निर्बंध येण्याची शक्यता आहे.
चांदी असोसिएशनकडून याबाबत निवडणूक अधिकारी, जिल्हा पोलीस प्रमुख यांच्याकडे कागदपत्रांबाबत मागणी केली होती.
परंतु याकडे जिल्हा प्रशासनाने दुर्लक्ष केल्याने हुपरी परिसरातील चांदी उद्योग ऐन हंगामात बंद राहण्याची भीती आहे.
या उद्योगावर अवलंबून असणाऱ्या हजारो कारागिरांवर बेकारीचे संकट उभे राहणार आहे.
कारागीरांचा विचार करून चांदी उद्योग चालू राहण्यासाठी निवडणूक आयोगाने मार्गदर्शन करण्याची विनंती होत आहे.
लोकसभा निवडणुकीच्या पाश्वभूमीवर देशभर निवडणुकीतील गैरप्रकार रोखण्यासाठी तपासणी नाके उभारले जातात.
सर्वसामान्य नागरिक, व्यापारी तसेच बँकांचा पैसे दागिणे पकडण्याच्या घटना वारंवार घडताना दिसतात.
या भीतीतून हुपरी परिसरातील चांदी उद्योजक ऐन हंगामात दागिन्यांची मागणी असून सुद्धा बाजारपेठेत माल घेऊन जाण्यास इच्छुक नाहीत.
ज्या काळात आचारसंहिता आहे त्याच काळात लग्नसराईचा हंगाम सुरू होणार आहे. याचा थेट परिणाम सोने, चांदीच्या मागणीवर होणार आहे.
दरम्यान याबाबत जिल्ह्याचे पालकमंत्री हसन मुश्रीफ, जिल्हा पोलीस प्रमुख जिल्हाधिकारी यांच्याकडे पाठपुरावा करूनही काही निष्पण्ण झाले नाही.