Anuradha Vipat
हिवाळ्यात शरीराला ऊब , हाडे मजबूत आणि प्रतिकारशक्ती वाढवण्यासाठी 'डिंकाचे आणि सुक्या मेव्याचे लाडू' हे उत्तम औषध मानले जाते.
हिवाळ्यात सांधेदुखीचा त्रास असणाऱ्यांसाठी किंवा नवीन बाळंतपण झालेल्या महिलांसाठी हे लाडू अत्यंत फायदेशीर आहेत.
डिंक ,काजू आणि बदाम,अक्रोड आणि पिस्ता,खारीक पावडर ,खसखस,किसलेले सुके खोबरे,गूळ,शुद्ध तूप,वेलची आणि जायफळ पावडर.
कढईत तूप गरम करा. त्यात डिंक छान फुलेपर्यंत तळून घ्या.तळलेला डिंक बारीक करून घ्या. तुपात काजू, बदाम, अक्रोड आणि पिस्त्याचे काप हलके सोनेरी होईपर्यंत परतून घ्या.
सुके खोबरे आणि खसखस मंद आचेवर हलका तांबूस रंग येईपर्यंत भाजून घ्या. तूप घालून खारीक पावडर २-३ मिनिटे छान खमंग भाजून घ्या.
कढईत तूप गरम करा आणि त्यात बारीक चिरलेला गूळ घाला. मंद आचेवर गूळ वितळवून घ्या. वितळलेला गरम गूळ परातीमधील सर्व मिश्रणावर ओता. त्यात वेलची आणि जायफळ पावडर घाला. हाताला थोडे तूप लावून पटापट मध्यम आकाराचे लाडू वळून घ्या.