Anuradha Vipat
हिवाळ्यात हवेतील तापमान कमी झाल्यामुळे आणि रक्ताभिसरण मंदावल्यामुळे सांधेदुखी आणि सांध्यांचे कडकपण वाढते.
थंडीमुळे शरीरातील रक्तवाहिन्या आकुंचन पावतात, ज्यामुळे सांध्यांपर्यंत रक्ताभिसरण नीट होत नाही
४ ते ५ चमचे मोहरीच्या तेलात लसणाच्या ३-४ पाकळ्या ठेचून टाका. तेल चांगले उकळून घ्या. हे तेल कोमट करून सांध्यांवर हलक्या हाताने मालिश करा.
तिळाचे तेल, महानारायण तेल किंवा विषगर्भ तेल कोमट करून लावल्याने सांध्यातील 'वात दोष' कमी होतो आणि वेदना थांबतात.
मालिश केल्यानंतर सांध्यांना शेक दिल्यामुळे रक्ताभिसरण सुधारते आणि कडकपणा दूर होतो.
रात्री १ चमचा मेथी दाणे पाण्यात भिजत घाला. सकाळी उठून ते पाणी प्या आणि मेथी दाणे चावून खा. हे सांधेदुखीवर रामबाण औषध मानले जाते.
रात्री झोपताना दुधात अर्धा चमचा हळद आणि पाव चमचा सुंठ पावडर टाकून उकळून प्या. हळद आणि सुंठ यामध्ये नैसर्गिक 'अँटी-इन्फ्लेमेटरी' गुणधर्म असतात.