Anuradha Vipat
ॲल्युमिनियमच्या भांड्यांमध्ये ठराविक प्रकारच्या भाज्या किंवा अन्नपदार्थ शिजवणे आरोग्यासाठी अत्यंत घातक ठरू शकते.
ॲल्युमिनियम हा एक अत्यंत क्रियाशील धातू आहे. जेव्हा आपण यामध्ये विशिष्ट गुणधर्म असलेल्या भाज्या शिजवतो, तेव्हा रासायनिक प्रक्रिया होऊन ॲल्युमिनियम अन्नात विरघळतो.
हे अन्न शरीरात गेल्याने पोटाचे विकार, यकृत आणि किडनीचे आजार, तसेच अल्झायमर सारखे गंभीर आजार होण्याचा धोका वाढतो.
ज्या भाज्यांमध्ये नैसर्गिक ॲसिड किंवा आंबटपणा असतो, त्या जरमनच्या भांड्यासोबत लगेच रासायनिक प्रक्रिया करतात. उदा.टोमॅटो किंवा टोमॅटोची प्युरी, आंबट चुका किंवा अंबाडीची भाजी, कैरी, चिंच किंवा कोकम घातलेल्या भाज्या.
जर तुम्ही एखाद्या भाजीमध्ये शेवटी लिंबाचा रस पिळणार असाल किंवा भाजी तयार करताना दही अथवा ताकाचा वापर करणार असाल तर ती जरमनच्या भांड्यात बनवू नका.
पालकामध्ये ऑक्झॅलिक ॲसिड आणि लोहाचे प्रमाण जास्त असते. जरमनच्या भांड्यात पालक शिजवल्याने भाजीचा रंग तर बदलतोच, शिवाय ती आरोग्यासाठी हानिकारक बनते.
माशांचे सार किंवा तिखट रस्सा बनवताना भरपूर प्रमाणात टोमॅटो, चिंच किंवा कोकम वापरले जाते. त्यामुळे नॉन-व्हेज पदार्थ जरमनच्या भांड्यात शिजवणे पूर्णपणे टाळावे.