Mahesh Gaikwad
एखाद्याला झोपेत चालण्याची सवय असते, असे तुम्ही कधीतरी ऐकले असेल. तुमच्या कुंटुंबातील किंवा परिचयातील व्यक्तीला झोपेत चालण्याची समस्या असू शकते.
झोपेत चालण्याची समस्या सहसा झोपल्यानंतर पहिल्या काही तासांमध्ये होते. झोपेत चालणे यालाच स्लिप वॉकिंग असेही म्हणतात.
आज आम्ही तुम्हाला काही लोक झोपेत का चालतात? याच्यामागे नक्की काय कारण आहे, याची माहिती सांगणार आहोत.
स्लिप वॉकिंग ही एक स्थिती असते, जी मेंदूच्या विकारामुळे उद्भवते. यामध्ये व्यक्ती झोपेतच उठून चालायला लागते.
झोपेत चालण्याची समस्या कोणत्याही वयात होवू शकते. लहान मुलांमध्ये ही समस्या सामान्य असून तारूण्यावस्थेत जवळजवळ निघून जाते, असे तज्ज्ञ सांगतात.
झोपेत चालण्याच्या समस्येमागे अनेक कारणे आहेत. बऱ्याचदा शांत किंवा चांगली झोप न लागल्यामुळेही ही समस्या होवू शकते.
कधीकधी काही आजार किंवा औषधांमुळेही झोपेत चालण्याची समस्या उद्भवू शकते. काळजी, अतिचिंता यासारख्या कारणांमुळेही ही समस्या होवू शकते.
लहान मुलांमध्ये आजारांच्या कारणांमुळे चिडचिडेपणा होतो, ज्यामुळे झोप पूर्ण होत नसल्यानेही मुले झोपेत चालू लागतात.
स्लिप वॉकिंगने ग्रस्त लोकांचे जीवन सामान्य लोकांप्रमाणेच असते. या समस्येवर विशिष्ट असे कोणतेही उपचार नाहीत. पूर्ण झोप घेणे तसेच आरामदायक जीवनशैलीचे पालन यामध्ये फायदेशीर ठरतात.