Mahesh Gaikwad
चैत्र शुक्ल प्रतिपदेपासून हिंदू नववर्षाची सुरूवात होते. हिंदू पंचांगानुसार चैत्र महिना वर्षाचा पहिला महिना मानला जातो.
गुढीपाडव्याचा सण महाराष्ट्रात मोठ्या उत्साहाने साजरा केला जातो. या दिवशी घरावर गुढी उभारण्याची प्रथा आहे.
वैदिक ग्रंथांनुसार गुढीपाडवा सण सृष्टीच्या निर्मितीचा दिवस मानला जातो. भगवान ब्रह्मदेवाने याच दिवशी ब्रह्मांडाची निर्मिती केल्याची मान्यता आहे.
हा दिवस प्रामुख्याने महाराष्ट्रात गुढी उभारून साजरा केला जातो. विजयाचे प्रतिक म्हणून गुढी उभारली जाते.
बांबूच्या काठीला रेशमी वस्त्र, कडुलिंबाची पाने, साखरेच्या गाठींची माळ आणि त्यावर पितळीचा तांब्या ठेवला जातो.
गुढीपाडव्याच्या दिवशी कडुलिंबाचा मोहर आणि गूळ यांचे मिश्रण प्रसाद म्हणून खातात. यामुळे निरोगी आरोग्य लाभते, असे मानले जाते.
या दिवशी महाराष्ट्रातील प्रत्येक हिंदूधर्मीय आपल्या घरावर गुढी उभारतात. या दिवशी सर्वत्र उत्साहाचे वातावरण असते. तसेच घरामध्ये गोडधोड केले जाते आणि नववर्षाचे स्वागत केले जाते.
गुढीपाडवा हा आनंद, समृद्धी आणि नव्या संधींचे प्रतीक आहे. महाराष्ट्रात हा सण मराठी नववर्ष म्हणूनही साजरा केला जातो.