Mahesh Gaikwad
भारतात चहाचे जसे शौकीन आहेत तसे कॉपी लव्हरही खूप आहेत. केवळ भारतातंच नाही तर जगभरात कॉफी शौकीनांची संख्या मोठी आहे.
गर्लफ्रेंडसोबत डेट असो किंवा बिझनेस मीटिंग असो, अशावेळी कॉपी हवीच असते.
काही लोक कॉपी पिण्याचे शौकीन असतात, तर काही लोक थकवा, आळस घालविण्यासाठी कॉफी पितात.
आपल्याकडे रात्री जागरणाची कामे करणारे लोक नेहमी झोप येवू नये म्हणून कॉफी पितात. पण खरंच कॉफी प्यायल्यामुळे झोप येत नाही का? असा प्रश्न तुम्हाला पडला असेल.
कॉफीमध्ये कॅफिन हा घटक आढळून येतो. कॅफिनमुळे मेंदुची सतर्कता आणि जागरुकता वाढते.
कॉपी पिल्यानंतर कॉफीतील कॅफिनमुळे संपूर्ण शरीर ताजेतवाने वाटते. फ्रेश वाटत असल्यामुळे काम करण्याचा उत्साहसुध्दा वाढतो.
त्यामुळे बऱ्याचदा आपण रात्री जागरणाचे काम करणारे लोक आपल्याला कॉपी पिताना दिसतात.
पण झोप येवू नये म्हणून सतत कॉफी पिणेही आरोग्यासाठी चांगले नाही. कारण याचा तुमच्या झोपेवर परिणाम होण्याची शक्यता असते.
स्वस्थ आणि निरोगी आरोग्यासाठी शरीराला पुरेसा आराम आणि झोपही महत्त्वाची असते. ही बातमी सामान्य माहितीवर आधारित आहे.