Team Agrowon
भारतात जम्मू-काश्मीरमध्ये पिस्ता लागवड केली जाते. काही प्रमाणात कर्नाटक, तमिळनाडू, पश्‍चिम बंगाल, पंजाब राज्यांतही प्रायोगिक लागवड होते.
अमेरिकेत कॅलिफोर्निया, ॲरिझोना विभागांत मोठ्या प्रमाणात पिस्ता लागवड केली जाते. पाणी कमी लागत असल्यामुळे अनेक शेतकरी बदाम, अक्रोडऐवजी पिस्ता शेती करतात.
झाडांची योग्य वाढ होऊन त्यांना फळे येण्यासाठी सात ते दहा वर्षे लागतात. एक झाड पुढे १०० वर्षे फळे देते. साधारण लाल गुलाबी रंग आल्यावर फळे तयार होतात.
फळे पक्व झाल्यानंतर यंत्राच्या साह्याने झाड हलवून फळे गोळा केली जातात. फळ काढणीसाठी झाड तीन ते चार सेकंद यंत्राने हलवले जाते, त्यामुळे पक्व फळे गळून पडतात.
पक्व फळे गोळा केली जातात. पुढे प्रक्रिया करून कवचासह किंवा कवच विरहित प्रकारांमध्ये खारवून किंवा न खारवता फळांची विक्री वेगवेगळ्या मार्गातून केली जाते.
पिस्ता हे फळ आनंदाशी संबंधित आहे, म्हणूनच चीनमध्ये या फळास ‘हॅपी नट’ आणि इराणमध्ये ‘स्माइलिंग नट’ असे म्हणतात.
साधारण २८ ग्रॅम पिस्त्यांमधून एका अंड्याएवढी म्हणजे सहा ग्रॅम प्रथिने मिळतात. पिस्ता हे विविध प्रकारची जीवनसत्त्वे, खनिजे आणि अँटिऑक्सिडंटचा खजिना आहे.
मिठाई, फळांचे सॉस घट्ट करण्यासाठी पिस्त्याचा वापर केला जातो. अनेक आजारांवर उपचार आणि प्रतिकारशक्ती वाढविण्यासाठी पिस्त्याला मागणी आहे.