Swarali Pawar
उन्हाळ्यात कलिंगडाला बाजारात चांगली मागणी असते. पण गोड आणि दर्जेदार फळ मिळवण्यासाठी योग्य काळजी आणि वेळेवर काढणी खूप महत्त्वाची असते.
फळ लागल्यानंतर पाण्याचा ताण येऊ देऊ नका, पण जास्त पाणीही देऊ नका.
पोटॅशयुक्त खतांचा वापर केल्यास फळाची गोडी आणि वजन वाढते.
काढणीच्या काही दिवस आधी पाणी थोडे कमी दिल्यास गोडी वाढते. यामुळे फळाचा दर्जा सुधारतो आणि बाजारभाव चांगला मिळतो.
एप्रिल-मे महिन्यात कडक उन्हामुळे फळांवर डाग पडू शकतात. फळांवर पेंढे, गवत किंवा पानांचे आच्छादन करून त्यांना वाचवा.
फळाच्या देठाजवळील बाळी पूर्ण सुकलेली दिसली तर फळ तयार झालेले असते. देठ हिरवा न राहता तपकिरीसर झाला तरी काढणीची वेळ समजा.
पिकलेल्या कलिंगडावर हलके ठोकल्यास मंद, भरलेला ‘बद’ आवाज येतो. कच्च्या फळावर ठोकल्यास तीक्ष्ण, धातूसारखा आवाज ऐकू येतो.
जमिनीला लागलेला भाग पांढरा न राहता पिवळसर झाला तर फळ तयार आहे. पिकलेल्या फळाची साल थोडी खडबडीत वाटते, तर कच्ची गुळगुळीत असते.
फळे धारदार सुरीने सकाळी कापून घ्या आणि सावलीत ठेवा. वाहतुकीत पेंढ्याचा थर द्या आणि आकारानुसार प्रतवारी करूनच बाजारात पाठवा