Team Agrowon
खानदेशात सर्वाधिक साडेपाच हजार हेक्टरवर पपई लागवड करणाऱ्या नंदुरबार जिल्ह्यात रोगराई व मध्यंतरी घसरलेल्या दरामुळे पपईचे पीक शेतकऱ्यांनी काढले.
पपईखालील मोठे क्षेत्र डिसेंबर व जानेवारीत रिकामे झाले. डिसेंबर, जानेवारीत पपईची मागणी नव्हती.
या दोन्ही महिन्यांत पपईला सरासरी कमी दर मिळाला. डिसेंबरमध्ये शेतकऱ्यांना जागेवर सरासरी तीन रुपये प्रतिकिलोचा दर मिळाला.
तर जानेवारीच्या पहिल्या पंधरवड्यात सरासरी अडीच रुपये प्रतिकिलोचा दर मिळाला आणि दुसऱ्या पंधरवड्यात सरासरी साडेतीन रुपये प्रतिकिलोचा दर मिळाला.
जानेवारीच्या अखेरीस दरातील पडझड थांबली. या महिन्याच्या सुरवातीला दरात सुधारणा सुरू झाली.
मागील काही दिवसांत पपई दरात एक किलोमागे रोज २५ पैसे ते ५० पैसे सुधारणा झाली. जानेवारीच्या अखेरीस पपई दर पाच रुपये प्रतिकिलो होते. सध्या साडेनऊ रुपये प्रतिकिलोचा दर आहे.