sandeep Shirguppe
मागच्या काही दिवसात सोन्या चांदीच्या दरात मोठी वाढ होत असल्याने दर सामान्यांच्या आवाक्याबाहेर गेले आहेत.
दरम्यान सोन्या चांदीचे दर रोज कमी जास्त होत आहेत पण मोठी घसरण होताना पहायला मिळत नव्हती.
आज १३ जून २०२४ रोजी चांदीच्या भावात २ हजार रुपयांपर्यंत मोठी घसरण दिसून आली. तसेच सोनेही ६०० रुपयांनी उतरले.
मल्टी कमोडिटी एक्स्चेंजवर चांदी १ हजार ९२१ रुपये प्रति किलोने स्वस्त होऊन ८८ हजार ५२४ रुपये प्रति किलोवर आली.
एमसीएक्सवर सोने कालच्या तुलनेत ५८२ रुपयांनी स्वस्त होऊन ७१ हजार ३८८ रुपयांवर आले.
देशांतर्गत बाजाराबरोबरच परदेशी बाजारातही सोन्या-चांदीच्या भावात मोठी घसरण पाहायला मिळत आहे.
अमेरिकेत फेडरल रिझर्व्हचा अहवाल सादर झाल्यानंतर सोन्या-चांदीच्या किमती कमी झाल्या आहेत.
मुंबईत २४ कॅरेट सोने ७१ हजार १६० रुपये प्रति १० ग्रॅम आणि चांदी ९० हजार ७०० रुपये प्रति किलो दराने विकली जात आहे.