Mahesh Gaikwad
राज्याचे उपमुख्यमंत्री तथा वित्तमंत्री अजित पवार यांनी राज्याचा आर्थिक वर्ष २०२२४-२५ चा अतिरिक्त अर्थसंकल्प गुरूवारी सादर केला.
अजित पवार यांनी आपल्या अर्थमंत्री म्हणून १० व्यांदा राज्याचा अर्थसंकल्प सादर केला. या अर्थसंकल्पातून आगामी विधानसभा निवडणुका डोळ्यापुढे ठेवत मोठमोठ्या घोषणा करण्यात आल्या आहे.
यंदाच्या अर्थसंकल्पामध्ये महिला आणि शेतकऱ्यांसाठी मोठ्या घोषणा करण्यात आल्या आहेत.
मध्यप्रदेशच्या धरतीवर महाराष्ट्रात माझी बहीण लाडकी योजना राबविण्यात येणार आहे. या योजनेची अंमलबजावणी जुलै २०२४ पासून करण्यात येणार आहे.
या योजनेंतर्गत राज्यातील २१ ते ६० वर्ष वयोगटातील महिलांना महिन्याला १५०० रुपये देण्यात येणार आहे.
या योजनेसाठी अर्थसंकल्पामध्ये ४६ हजार कोटी रुपयांच्या निधीला मंजुरी देण्यात आली आहे. या योजनेसाठी राज्यातील २१ ते ६० वर्षे वयोगटातील महिला पात्र असणार आहेत.
वार्षिक उत्पन्न २ लाख ५० हजार ५०० रुपयांपेक्षा कमी असणाऱ्या महिलांना या योजनेचा लाभ घेता येणार आहे.