Team Agrowon
थंडीमध्ये शारीरिक तापमान संतुलित ठेवण्यासाठी जनावरांची जास्त ऊर्जा खर्च होते. म्हणून या काळात चाऱ्याची जास्त गरज असते.
चारा कमी पडल्यास जनावरांमध्ये अशक्तपणा दिसून येते. हिवाळ्यात जनावरांची त्वचा खडबडीत होते. त्वचेला खाज सुटते.
जनावरांचे स्नायू आखडतात. काही जनावरे लंगडतात. बऱ्याच वेळा जनावरांचे पोट गच्च होऊन रवंथ कमी होते.
सडावर भेगा पडून दूध काढताना रक्त येते, जनावर दूध काढू देत नाही, अस्वस्थ होते.
करडे आणि वासरे अतिथंडीमुळे गारठतात.
दुधाळ जनावर पान्हा व्यवस्थित सोडत नाही. त्यामुळे दूध उत्पादनात घट होऊन दुधाच्या प्रतीवर परिणाम होतो.
गोठा लवकर कोरडा होत नाही. त्यामुळे दुर्गंधी वाढते. दुधाळ जनावरांना दुग्धज्वर आजार होण्याची शक्यता वाढते. गोठा सतत ओला राहिल्यामुळे आजारांचा प्रादुर्भाव वाढण्याची शक्यता असते.