Team Agrowon
सेंद्रिय कर्ब हे सूक्ष्मजीव वाढीस प्रोत्साहन देते, कारण जमिनीतील सूक्ष्मजीव कर्बावर आपली उपजीविका करत असतात.
सेंद्रिय कर्ब जमिनीतील अन्नद्रव्ये, पालापाचोळा, मृत वनस्पती व प्राणी यांच्या विघटनातून मिळते. याच बरोबर विघटनामधून सूक्ष्मजीव वनस्पतीसाठी आवश्यक मूलद्रव्येदेखील जमिनीमध्ये उपलब्ध करून देतात.
जमिनीची संरचना सुधारल्यामुळे जमिनीची पाणी धरून ठेवण्याची क्षमता वाढते. जमिनीमधील कार्बन डायऑक्साइडचे प्रमाण वाढते. यामुळे झाडांच्या वाढीस प्रोत्साहन मिळते.
ह्युमसचे प्रमाण वाढल्यामुळे जमिनीमध्ये हवेची पोकळी वाढते. या पोकळीमुळे मुळांच्या वाढीसाठी पोषक वातावरण तयार करते.
पाणी निचरा होऊन जमिनीची धूप कमी होण्यास मदत होते.
सेंद्रिय कर्बामुळे जमिनीमध्ये दिलेल्या रासायनिक खतांची उपलब्धता वाढून त्यांचा ऱ्हास कमी होतो.
सूक्ष्मजीवांच्या वाढीमुळे जमिनीतील खनिजद्रव्यांचे स्थिरीकरण वाढते. जमिनीतील अन्नद्रव्यांची धारणक्षमता वाढून त्यांना एकत्रित बांधून ठेवते.