Team Agrowon
आज जागतिक पशुवैद्यक दिन. पशुवैद्यक संघटनेमार्फत दरवर्षी एप्रिल महिन्याच्या शेवटच्या शनिवारी ‘जागतिक पशुवैद्यक दिन’ साजरा केला जातो. सन २००० पासून याला सुरुवात झाली.
प्राणी जगताचे आरोग्य आणि कल्याणासाठी जागतिक पशुवैद्यक संघटनेची स्थापना करण्यात आली.
जागतिक हवामान बदल आणि वाढत चाललेल्या प्राणिजन्य आजाराची संख्या याचा विचार केला तर निश्‍चितपणे पशुवैद्यकांचे महत्त्व अधोरेखित होते.
या वर्षी 'Veterinarians are the essential health workers' अर्थात, पशुवैद्यक हे मानवी आरोग्य जपण्यासाठी महत्त्वाचे आरोग्य कर्मचारी आहेत, अशी थीम निवडलेली आहे.
पशुवैद्यकीय शास्त्र हे केवळ प्राण्यांच्या आरोग्य व कल्याणासाठी नसून मानव जातीच्या शारीरिक मानसिक आणि सामाजिक कल्याणासाठी देखील योगदान देणारे आहे, हे आज या निमित्ताने चर्चिले जाणार आहे.
अनेक वेळा पशुवैद्यकांचे काम हे समाजाच्या दृष्टीने थोडे दुर्लक्षित राहते असे म्हणायला वाव आहे.
पशुवैद्यकीय शास्त्र हे मानवी आरोग्याचे मोठ्या प्रमाणामध्ये संरक्षण करत असते आणि ते त्यांच्या व्यवस्थापनाचा आवश्यक भागही आहे.
World Veterinary Day जरी त्यांनी वैद्यकीय शिक्षण घेतले नसले तरी सार्वजनिक आरोग्य, अन्नसुरक्षा योग्य पद्धतीने पुरवण्यासाठी ते मदत करत असतात, हे मान्य करायलाच हवे.
Goat Milk : गायीच्या दुधापेक्षा शेळीचे दूध जास्त पोषक कसे?