Mahesh Gaikwad
सध्या ग्रामीण भागात महिलांची उन्हाळी वाळवणाच्या कामांची लगबग सुरू झाली आहे.
वर्षभर लागणारे उन्हाळी पदार्थ करण्यात महिला दंग असल्याचे सकाळच्यावेळी चित्र पाहायला मिळत आहे.
शेवया, कुरडया, पापड, सांडगे, वेफर्स, उपवासाचे साबुदाणा पापड असे पदार्थ तयार करण्याची महिलांची लगबग दिसत आहे.
उन्हाळी वाळवण म्हणजे मराठमोळ्या खाद्य संस्कृतीची खास ओळख आहे. विशिष्ट चव असलेल्या वाळवणांच्या पदार्थांना शहरांमध्ये मोठी मागणी असते.
उन्हाळी वाळवणाचे पदार्थ वर्षभर साठवून ठेवता येतात. ग्रामीण भागात सणासुदीला तळणाचे हे पदार्थ ताटामध्ये हमखास बघायला मिळतात.
उन्हाळी वाळवणाचे पदार्थ तयार करण्याची परंपरा अजूनही ग्रामीण भागात महिला जपत आहेत. एकमेकींच्या मदतीने अंगणात सकाळी-सकाळी ही कामे या दिवसांत हमखास पाहयला मिळतात.
आजकाल शहरांमध्ये उन्हाळी वाळवण करताना क्वचितच महिला दिसतात. त्यामुळे गावाकडून येणाऱ्या वाळवणाच्या पदार्थांची मोठी मागणी असते.