Anuradha Vipat
दिवाळीचा फराळ म्हणजे चव, विविधता आणि भारतीय संस्कृतीचे अप्रतिम मिश्रण आहे.
फराळाचा राजा म्हणून चकली ओळखली जाते. ती दिसायला आकर्षक, गोलाकार आणि चवीला कुरकुरीत व तिखट-मीठ लावून मसालेदार असते.
फराळातील गोडव्याचे मुख्य प्रतीक म्हणजे लाडू. यामध्ये प्रामुख्याने बेसनाचे लाडू आणि रव्याचे लाडू बनवले जातात. कोणत्याही शुभ कार्यात किंवा सणात लाडूला अग्रक्रम असतो.
करंजी हा दिसायला अर्धचंद्राकृती आणि आतून अतिशय चवदार असणारा पदार्थ आहे. याच्या आवरणासाठी खुसखुशीत पारी बनवली जाते.
फराळात गोड पदार्थांचा अतिरेक होऊ नये म्हणून चिवडा आणि शेव हे तिखट-मीठ आणि खमंग चवीचे पदार्थ बनवले जातात.
शंकरपाळी हा लहान मुलांपासून मोठ्यांपर्यंत सर्वांचा आवडता पदार्थ आहे. तोंडात टाकल्यावर तिचे पापुद्रे सुटतात.
अनरसा हा फराळातील सर्वात पारंपरिक आणि कष्टसाध्य पदार्थ आहे. अचूक जाळी पडणे हे उत्तम अनरशाचे वैशिष्ट्य मानले जाते.