sandeep Shirguppe
जगप्रसिद्ध वेरूळ येथील दहा क्रमांकाच्या लेणीतील बुद्ध मूर्तीवर रविवारी किरणोत्सव झाला.
तब्बल तासभर हे विहंगम दृश्य 'याचि डोळा' पाहण्यासाठी पर्यटकांनी एकच गर्दी केली.
सूर्याची मावळतीची किरणे खोल गाभाऱ्यात असलेल्या गौतम बुद्ध यांच्या मुखावर पडताच बुद्धांची विलक्षण शांत भावमुद्रा सूर्याच्या तेजाने उजळली होती.
वर्षातून एकदाच होणारा हा प्रसंग पाहण्यासाठी पुणे, मुंबईहून पर्यटक आले होते.
दहा क्रमांकाच्या लेणीत प्रवेश केल्याबरोबर भगवान बुद्ध धम्मचक्र प्रवर्तन मुद्रेत बघायला मिळतात.
बुद्धाच्या उजव्या हाताला बोधिसत्त्व पद्मपाणी व डाव्या हातास बोधिसत्त्व वज्रपाणी पहावयास मिळते.
बुद्ध लेणीवर उत्तरायणात सूर्यकिरणे येतात वर्षातून १०, ११ व १२ मार्चला किरणोत्सव होऊन बुद्ध प्रतिमा उजळून निघते.
१० मार्चचा किरणोत्सव जास्त वेळ असतो. दहा क्रमांकाच्या बुद्ध लेणीवर सूर्य उत्तरायणात जात असताना सूर्यकिरणे येतात.
तेजोमय दृश्य टिपत उपस्थित पर्यटक गौतम बुद्धांची शांत भावमुद्रा पाहण्यात तल्लीन होते. तब्बल एक तास हा किरणोत्सव सुरू होता.
इतिहास अभ्यासकच नाही तर खगोल अभ्यासकांना आपुलकीचा वाटावा, असा हा विषय मूर्ती व शिल्प संशोधन संस्थेच्या मार्फत प्रकाशात आला.