Anuradha Vipat
टॉन्सिलिटिस म्हणजेच घशाच्या मागच्या बाजूला असलेल्या ग्रंथ्यांना सूज येणे.
संसर्गामुळे टॉन्सिल्स सुजतात आणि अन्न किंवा पाणी गिळताना तीव्र वेदना होतात.
जर हा संसर्ग सौम्य किंवा सुरुवातीच्या टप्प्यात असेल, तर काही सोपे आणि सुरक्षित घरगुती उपाय वेदना आणि सूज कमी करण्यास मदत करू शकतात.
अर्धा चमचा मीठ एक ग्लास कोमट पाण्यात मिसळून दिवसातून ३-४ वेळा गुळण्या करा. यामुळे घशातील जळजळ आणि सूज कमी होते.
रात्री झोपण्यापूर्वी कोमट दुधात पाव चमचा हळद आणि चिमूटभर काळी मिरी पावडर मिसळून प्या.
कोमट पाण्यात किंवा आल्याच्या चहामध्ये १-२ चमचे मध मिसळून हळूहळू घोट घोट प्या. मध घशाला मऊ ठेवते आणि खोकला तसेच जळजळीपासून आराम देते.
मऊ कपडा किंवा टॉवेल हीटिंग पॅडवर अथवा तव्यावर हलका गरम करून मानेच्या आणि घशाच्या बाहेरील भागाला ५-७ मिनिटे शेक द्या.