Mahesh Gaikwad
बदलत्या जीवनशैलीचा परिणाम आपल्या आरोग्यावर होतो. आजकाल डोकेदुखी ही एक सामान्य समस्या बनत चालली आहे.
कामाचा ताण, पुरेशी झोप न घेणे, सतत मोबाईल पाहणे, योग्य आहार न घेणे यासारख्या अनेक गोष्टींचा परिणाम आपल्या आरोग्यावर होताना दिसतो.
तुम्हालाही सतत डोकेदुखीचा त्रास होत असेल आणि तु्म्ही औषधे घेत असाल, तर या छोट्या टीप्स फॉलो करा. तुम्हाला नक्कीच डोकेदुखीपासून आराम मिळेल.
डोकेदुखीचा त्रास होत असेल तर तुम्ही डोक्याला लवंगाचे तेल लावा. यामुळे लगेच आराम मिळेल.
अनेकवेळा शरीरात पाण्याची कमी झाल्यामुळेही डोकेदुखीचा त्रास होतो. अशावेळी नारळ पाणी प्यायल्यामुळे आराम मिळतो.
डोकेदुखीचा त्रास सहन होत नसल्यास जमिनीवर पाठीवर झोपल्यास डोकेदुखीचा त्रास कमी होईल आणि आराम मिळेल.
डोक्याला निलगिरीचे तेल लावून हलक्या हाताने मसाज केल्यानेही आराम मिळतो. तसेच दालचिनीचा वापरही तुम्ही करू शकता.
याशिवाय आल्याचा रस किंवा त्यापासून केलेला चहा प्यायल्यानेही डोकेदुखीचा त्रास कमी होतो.