Mahesh Gaikwad
देशभरात लोकसभा निवडणुकीच्या प्रचाराला आता रंगत यायला सुरूवात झाली आहे. मतदारांना खूष करण्यासाठी उमेदवार कोणतही कसर सोडताना दिसत नाही.
अशाच एका प्रचारादरम्यान भाजपच्या मथुरा लोकसभेच्या उमेदवार हेमा मालिनी यांचा हटके अंदाज पहायला मिळाला आहे.
एप्रिल महिन्याच्या कडक उन्हात बॉलिवूडच्या 'ड्रीम गर्ल' हेमा मालिनीने मतदारांना खूष करण्यासाठी तळपत्या उन्हात गव्हाची काढणी केली आहे.
हेमा मालिनी यांनी आपल्या एक्स या मायक्रो ब्लॉगिंग वेबसाईटवर गव्हाची कापणी करतानाचे फोटो शेअर केले आहेत. यावेळी त्यांनी महिला शेतकऱ्यांशीही संवाद साधला.
भाजपने हेमा मालिनी यांनी सलग तिसऱ्यांदा मथुरा लोकसभेसाठी उमेदवारी दिली आहे. गेल्या १० वर्षांपासून त्या या मतदारसंघाच्या खासदार आहेत.
हेमा मालिनी अनेकदा आपल्या मतदारसंघातील लोकांच्या समस्या जाणून घेण्यासाठी त्यांना भेटत असतात.
काही दिवसांपूर्वी हेमा मालिनी यांनी प्रेमानंद महाराज यांची भेट घेतली होती. त्यावेळी प्रेमानंद महाराज यांनी त्यांना सर्वसामान्यांमध्ये आपला वेळ घालविण्याचा सल्ला दिला होता.