Anuradha Vipat
मार्गशीर्ष महिन्यातील गुरुवारची महालक्ष्मीची पूजा घरातील सुख, समृद्धी आणि शांतीसाठी केली जाते.
मार्गशीर्ष महिन्यातील ही पूजा मांडणी विशिष्ट पद्धतीने केल्यास देवी प्रसन्न होते अशी धार्मिक श्रद्धा आहे.
गुरुवारी सकाळी लवकर उठून आंघोळ करून स्वच्छ वस्त्रे परिधान करा. घरातील पूजा स्थान स्वच्छ करून घ्या.सर्व पूजेचे साहित्य जमा करून ठेवा.
स्वच्छ पाटावर लाल किंवा पिवळ्या रंगाचे वस्त्र अंथरा. वस्त्रावर तांदळाची रास करा. त्यावर एक तांब्याचा कलश ठेवा. कलशामध्ये थोडे पाणी, एक नाणे, सुपारी, अक्षता आणि हळद-कुंकू टाका. कलशावर आंब्याची ५ किंवा ७ पाने ठेवा पानांवर एक नारळ ठेवा .
कलशाच्या समोर महालक्ष्मीची मूर्ती ठेवा. मूर्तीला हार घाला आणि हळद-कुंकू लावा. तुपाचा किंवा तेलाचा दिवा लावा.
ताम्हण आणि पूजेचे इतर साहित्य ठेवा. देवीला पिवळी फुले अर्पण करा. फळे ठेवा. घरातील तयार केलेला गोड नैवेद्य देवीच्या समोर ठेवा.
पूजेसाठी लागणारे 'श्री महालक्ष्मी व्रतकथा' पुस्तक पूजेदरम्यान पूर्ण भक्तिभावाने वाचन करा.