Mahesh Gaikwad
नगर जिल्ह्यातील हिवरगाव पावसा येथील ग्रामदैवत खंडोबाची दरवर्षी यात्रा भरते. गेल्या सात वर्षांपासून यात्रेत अश्व प्रदर्शनाची परंपरा सुरू झाली आहे.
कमी कालावधितच या अश्व प्रदर्शनाची ख्याती देशभर पसरली आहे. यात्रेमध्ये महाराष्ट्रासह विविध राज्यातील अश्व सहभागी होतात.
यात्रेतील अश्व प्रदर्शनामुळे अश्वपालनासह घोड्यांच्या विविध जातींच्या संवर्धनालाही चालना मिळाली आहे.
शेतीला पूरक अशा अश्वांच्या पालनासाठी शेतकऱ्यांना प्रेरित करण्यासाठी माजी मंत्री बाळासाहेब थोरात यांनी प्रदर्शनाला प्रोत्साहन दिले.
महाराष्ट्रासह पंजाब, राजस्थान, गुजरात या भागातील अश्वप्रेमी आपल्या अश्वांसह या प्रदर्शनामध्ये सहभागी होतात. 'बी जस्पर' हा सर्वात उंच घोडा प्रदर्शनामध्ये सर्वांचेच लक्ष वेधून घेत होता.
या अश्व प्रदर्शनामध्ये मारवड, सोनपुरी, सिंधी, पंजाबी, काठेवाडी यासारख्या अनेक अश्व प्रजाती पाहायला मिळतात.
या प्रदर्शनात सहभागी होणारे अश्व आणि त्यांच्या स्पर्धा पाहण्यासाठी येणाऱ्या शेतकरी आणि अश्वप्रेमींची संख्याही मोठी असते.
या प्रदर्शनामध्ये अश्वांच्या स्पर्धेशिवाय अश्वांची खरेदी-विक्रीसुध्दा होते. तीन लाखांपासून कोटींपर्यंत येथे अश्वााला दर मिळतो.