Aslam Abdul Shanedivan
गेल्या काही महिन्यांपासून राष्ट्रवादी काँग्रेस पक्षात फूट पडली असून शरद पवार आणि उपमुख्यमंत्री अजित पवार असे दोन गट पडले आहेत.
तर शरद पवार यांचे चिन्ह आणि पक्षाचे नाव निवडणूक आयोगाने अजित पवार गटास दिल्याने शरद पवार गट सर्वोच्च न्यायालयात गेला.
राष्ट्रवादी काँग्रेस पक्षाच्या नाव आणि चिन्हावरून आज सर्वोच्च न्यायालयात सुनावणी पार पडली.
यावेळी न्यायालयाने लोकसभा निवडणुकीसह विधानसभा निवडणुकीत तुतारी चिन्ह शरद पवार गटाला वापरता येईल असे म्हटले आहे.
तसेच शरद पवार गटास राष्ट्रवादी काँग्रेस पक्ष शरदचंद्र पवार हे नावही वापरण्याची मुभा दिली आहे.
तसेच तुतारी हे चिन्ह निवडणूक आयोगाने राखीव ठेवत इतर कोणत्याही पक्षाला किंवा उमेदवाराला देऊ नये, असे निर्देश दिले आहेत.
तसेच अजित पवार गटालाची कान उघाडणी करत शरद पवार यांचा फोटो आणि नाव वापरु नये असा आदेश न्यायालयाने दिले आहेत.