Mahesh Gaikwad
जेवण केल्यानंतर विशेषत: रात्रीच्यावेळी जेवणानंतर थोडेसे चालेल पाहिजे, हे तर सर्वांनाच माहित आहे.
परंतु जेवणानंतर किती वेळ चालले पाहिजे हे अनेकांना माहितच नसते.
जेवणानंतर चालल्यामुळे अन्न पचनाची क्रिया सुरळीत होते आणि पोटात गॅसही होत नाही.
जेवणानंतर चालल्यामुळे रक्तातील साखरेची पातळीही नियंत्रणात राहण्यास मदत होते.
जेवण केल्यानंतर साधारणपणे १० ते १५ मिनिटे चालणे आरोग्यासाठी चांगले असते.
पण जेवण केल्यानंतर बराच वेळ चालत राहू नये. तसेच जेवणानंतर पोट जड असते अशावेळी वेगानेही चालू नये.
तसेच जेवणानंतर धावू नये किंवा जड व्यायाम करणे प्रकर्षाने टाळले पाहिजे.
जेवणानंतर कोणतेही वाकून करण्याचे काम करू नये. यामुळे पोटावर दाब येवून वेदना होऊ शकतात.