Swapnil Shinde
पुणे जिल्ह्यातील भोर तालुक्यामधील रायरेश्वर किल्ला परिसरात विस्तीर्ण पठार आहे. या पठारावर काही जण शेती करतात.
पठारावर पारंपारिक पध्दतीने भातसोबत नाचणी, वरई आणि गव्हाची शेती केली जाते.
४ हजार ६९४ फूट उंचीवर असलेल्या या पठारावर रस्ता नसल्याने वाहने घेऊन जाता येत नाही. त्यामुळे ग्रामस्थांना अवघड वाट चढत जावे लागते
रायरेश्वर येथील अशोक रामचंद्र जंगम आणि रविंद्र रामचंद्र जंगम या दोघा भावांनी शेतीच्या कामासाठी ट्रॅक्टर खरेदी केला.
त्यांनी शक्कल रढवत ट्रॅक्टरचे टायर, इंजिन, मडगार्ड तसेच काही अवजड पार्ट वेगळे केले.
मग कड्याकपऱ्यातून वाट काढत 20 ते 25 ग्रामस्थांनी सर्व पार्ट किल्ल्यावर पोहोचवले.
पठारावर पोहोचल्यानंतर सर्व पार्ट जोडण्यात आले. त्यानंतर ट्रॅक्टर सुरु झाला.