Anuradha Vipat
आजच्या डिजिटल युगात मुलांच्या हातात मोबाईल आणि इंटरनेट सहज उपलब्ध झाल्यामुळे ऑनलाईन गेमिंगचे प्रमाण प्रचंड वाढले आहे.
तासनतास हिंसक किंवा उत्तेजक गेम्स खेळल्याने मुलांच्या मानसिक आरोग्यावर आणि मेंदूच्या विकासावर अत्यंत गंभीर दुष्परिणाम होत आहेत.
सतत गेम खेळल्याने मेंदूमध्ये 'डोपामाइन' नावाचे हॅपी हार्मोन तात्पुरत्या स्वरूपात वेगाने वाढते. जेव्हा गेम बंद केला जातो, तेव्हा मुलांमध्ये अचानक चिडचिड होणे अशी लक्षणे दिसू लागतात.
ऑनलाईन गेम्समधील वेगाने बदलणारी दृश्ये आणि आव्हाने यामुळे मुलांचा मेंदू नेहमी उत्तेजित राहतो. यामुळे मुलांची एकाग्रता आणि स्मरणशक्ती कमकुवत होते.
गेमिंगच्या जगात अडकलेली मुले प्रत्यक्षात मित्रमैत्रिणींसोबत खेळणे किंवा कुटुंबासोबत वेळ घालवणे बंद करतात. या सामाजिक एकाकीपणामुळे मुलांमध्ये नैराश्याची लक्षणे निर्माण होऊ शकतात.
अनेक ऑनलाईन गेम्समध्ये मारामारी, बंदूक चालवणे किंवा हिंसा दाखवली जाते. असे गेम्स सतत खेळल्यामुळे मुलांच्या मानसिकतेवर वाईट परिणाम होतो.
रात्री उशिरापर्यंत स्क्रीनसमोर बसून गेम खेळल्यामुळे मेंदू शांत होत नाही. मोबाईलच्या निळ्या प्रकाशामुळे झोपेचे चक्र बिघडते. पुरेशी झोप न मिळाल्यामुळे मुले दिवसा थकलेली आणि निरुत्साही दिसतात.