Team Agrowon
कृत्रिम रंगात वापरण्यात येणाऱ्या रसायनांचा त्वचा, डोळे, केस यांवर परिणाम होऊ नये, म्हणून नैसर्गिक रंगांची मागणी वाढत आहे.
घरात उपलब्ध असणाऱ्या साहित्याचा वापर करून नैसर्गिक रंग तयार करता येतात.
हिरवा रंग
कोथिंबीर, पुदिना या पानांची पेस्ट करून हिरवा रंग तयार करता येईल.
गुलाबी रंग
यासाठी "बिटा'चा वापर करता येईल. किसलेले बीट पाण्यात टाकून ते पाणी वापरता येणे शक्य आहे.
नारंगी रंग
हा रंग मिळविण्यासाठी पळसाची फुलं रात्रभर पाण्यात भिजवून ठेवावीत.
लाल रंग
लाल जास्वंद, पांगारी अशा फुलांच्या पाकळ्या रात्रभर भिजवल्यास हा रंग तयार होईल.
पिवळा रंग
घरगुती वापरातील हळदीचा वापर पिवळा कोरडा रंग म्हणून करता येईल. हळदीसमवेत बेसन पीठ किंवा मुलतानी मातीही वापरता येईल.