Mahesh Gaikwad
व्यवस्थापनातील चुकांमुळे जनावरांना बहुतांशवेळा खुरांचे आजार होण्याचा धोका असतो.
माणसांप्रमाणेच जनावरांच्या खुराचे बाहेरील आवरण हे केरोटिनपासून बनलेले असते. आवश्यकतेपेक्षा जास्त वाढलेल्या खुरामुळे जनावर लंगडते.
बायोटीन, झिंक क्षारांच्या कमतरतेमुळे खुरांवर भेगा पडतात. या भेगा उभ्या आणि आडव्या असतात.
दोन खुरांच्या मध्यभागी जखम होते. या जखमेतून घाण वास येणारा स्त्राव येतो. यामुळे जनावरांना चालताना वेदना होतात आणि ते लंगडते.
जनावरांना कामाचा अति ताण, जास्त अंतर पायी चालवणे, गरम जमिनीवर जास्त काळ चालणे तसेच बसण्याची जागा कडक असणे अशा कारणांमुळे जनावरांच्या तळव्यावर अल्सर होतो.
टोकदार खिळा, काटा किंवा वायर यामुळे खुराला छिद्र पडते. खुराला छिद्र पडल्यामुळे जंतुसंसर्ग होवून जनावर लंगडते.
काही जनावरांमध्ये खुरांमध्ये गाठ येते. हाही खुराशी संबंधित आजार आहे.