Mahesh Gaikwad
हिवाळा संपून उन्हाळ्याची सुरूवात होताना मोठ्या जनावरांसह नवजात वासरांमध्ये रोटा विषाणू हगवण या आजाराचा प्रादुर्भाव होण्याची शक्यता असते.
पचनसंस्थेशी संबंधित असलेल्या या आजाराचा एक-दोन महिन्यांच्या वासरांपासून तीन वर्षांच्या वासरांना याचा धोका असतो.
गोठ्यातील अस्वच्छता, अपुरी जागा आणि सुर्यप्रकाशाच्या अभाव ही या आजाराच्या प्रादुर्भावाची कारणे आहेत.
नवजात वासरांमध्ये अतिसार होण्याचे सर्वात सामान्य कारण म्हणजे रोटा विषाणू संसर्ग.
गायी-म्हशींच्या दोन ते तीन महिन्यांच्या वासरांमध्ये हा आजार आढळून येतो. चार आठवड्यांखालील वासरांमध्ये आजाराचे प्रमाण कमी असते.
भूक मंदावणे, अतिसार हगवण लागणे, पांढरट पिवळ्या रंगाची हगवण ही या आजाराची काही प्रमुख कारणे आहेत.
या आजारावर ठोस उपाय नसल्याने पशुवैद्यकाकडून वासरांमधील लक्षणावर उपचार करून आजाराचा धोका कमी करू शकतो.