Swarali Pawar
उन्हाळ्यात वासरे इतर जनावरांपेक्षा जास्त संवेदनशील असतात. थोडी काळजी घेतल्यास उष्माघात आणि मृत्यू टाळता येतो.
जास्त तापमान, गर्दी आणि पाण्याची कमतरता धोकादायक ठरते. यामुळे वासरांमध्ये उष्माघाताचा धोका वाढतो.
वासरांना दिवसातून ४-५ वेळा स्वच्छ आणि थंड पाणी द्या. पाण्याचा हौद नेहमी सावलीत ठेवणे आवश्यक आहे.
लहान वासरांना पुरेसे दूध आणि पाणी मिळणे गरजेचे आहे. मोठ्या वासरांसाठी संतुलित चारा आणि कॉन्सन्ट्रेट द्या.
आहारात गुळ आणि मीठ १% प्रमाणात द्या. यामुळे सहनशक्ती वाढते आणि उष्णतेचा ताण कमी होतो.
गोठ्यात हवा खेळती ठेवा आणि गर्दी टाळा. पंखे, फॉगर्स आणि शेडनेटचा वापर फायदेशीर ठरतो.
दुपारी ओले गोणपाट किंवा शेडनेट गोठ्यात लावा. गरज असल्यास वासरांच्या अंगावर पाणी टाका.Agrowon
वेळेवर लसीकरण आणि जंतनाशक देणे आवश्यक आहे. नर आणि मादी दोन्ही वासरांची समान काळजी घ्या.