Mahesh Gaikwad
रमजान ईदप्रमाणेच इस्लाम धर्मामध्ये ईद-ऊल-अदाह म्हणजेच बकरी ईद या सणाचेही मोठे महत्त्व आहे.
मुस्लिम धर्मियांमध्ये बकरी ईद हा सण त्यागाचा दिवस म्हणून साजरा केला जातो. रमजाननंतर मुस्लिम धर्मियांमध्ये साजरा होणारा बकरी ईद हा दुसरा मोठा सण आहे.
बकरी ईदच्या दिवशी मुस्लिम बांधव बोकडांची कुर्बानी देतात. कुर्बानीसाठी विशेष गुणधर्म असलेल्या बोकडांना मोठी मागणी असते.
सामान्यत: बकरी ईदसाठी वजनदार बोकडांना मोठी मागणी असते. खरेदीदार जास्त वजनाच्या बोकडांच्या शोधात असतात.
३५-४० किलो वजनाचे बोकड साधारणपणे सर्वच जातींमध्ये सहज मिळतात. मात्र, ५०-६० किलो वजनाच्या काहीच खास जाती आहेत.
गोहिलवाडी जातीचे बोकड गुजरातच्या राजकोट, जूनागड, पोरबंदर, अमरेली आणि भावनगरमध्ये आढळतात.
देशभरात या जातीची संख्या खूप कमी आहे. यामुळे या जातीच्या शेळी-बोकड मिळणे खूप कठीण असते.
गोहिलवाडी जातीच्या बोकडाचे वजन साधारणपणे ५०-५५ आणि शेळी ४०-४५ किलोपर्यंत असते.
याशिवाय राजस्थानच्या अलवरमध्ये जखराना जात आढळते. या जातीच्या बोकडाचे वजन ५५ ते ५८ किलो इतके असते.
तर बरबरी जातीच्या बोकडाचे वजन ३० ते ३५ किलोपर्यंत असते. उत्तर प्रदेशमध्ये बकरी ईदनिमित्त या जातीच्या बोकडांची मोठ्या प्रमाणत विक्री होते.