Swapnil Shinde
सप्टेंबर महिन्यामध्ये झालेल्या अतिवृष्टीमुळे सोयाबीन पिकावर रोगाचा प्रादुर्भाव झाला आहे.
येलो मोझॅक नावाच्या रोगामुळे सोयाबीन पिकावर बुरशी व मुळे कुजल्याचे दिसून येत आहे.
हा रोग झाल्यास पिकाची पाने पिवळी पडतात. त्याच्या हल्ल्यामुळे पाने खडबडीत होतात. त्यामुळे पीक खराब होते.
मोझॅक हा विषाणूमुळे होणारा रोग आहे. जो प्रामुख्याने पांढऱ्या माशीच्या प्रादुर्भावामुळे होतो.
मुख्यमंत्री एकनाथ शिंदे यांनी मंत्रिमंडळ बैठकीत कृषी विभाग आणि मदत व पुनर्वसन विभागाला संयुक्तपणे खराब सोयाबीन पिकांचा पंचनामा तातडीने सुरू करण्याचे निर्देश दिले आहेत.
यापूर्वी मदत व पुनर्वसन मंत्री अनिल पाटील, कृषिमंत्री धनंजय मुंडे यांनी नागपूर जिल्ह्याचा दौरा केला होता. त्यानंतर महसूल मंत्री राधाकृष्ण विखे -पाटील यांनी शेतात जाऊन नुकसानाची पाहणी केली.
या रोगाचा इतर पिकांवर प्रादुर्भाव होण्याची शक्यता असल्याने तो आटोक्यात आणणे गरजेचे आहे.