sandeep Shirguppe
महाबळेश्वरच्या मातीत स्ट्रॉबेरी संशोधन केंद्र उभारण्यात येणार असल्याने येथील स्ट्रॉबेरी शेतीला चालना मिळणार आहे.
सध्या या प्रकल्पासाठी एकूण तीन एकर क्षेत्र राखीव ठेवण्यात आले असून, इमारतीचे बांधकाम प्रगतिपथावर आहे.
मे अखेर हे काम पूर्णत्वास येणार असून, येथील शेतकऱ्यांना रोगप्रतिकारक्षम स्ट्रॉबेरीची लागवड करता येणार आहे.
स्ट्रॉबेरी हे महाबळेश्वरचे मुख्य पीक असून, दरवर्षी तीन हजार एकर क्षेत्रावर स्ट्रॉबेरी शेतीची लागवड केली जाते.
स्ट्रॉबेरीवर ग्रेमोल्ड, फुलकीडे, माइट, रेड स्टील, बोटरेंसिस, पावडर मेलेड्यू अशाप्रकारचे रोग येतात.
शेतकऱ्यांना रोगप्रतिकारक्षम पिकांची लागवड करता यावी यासाठी महाबळेश्वरात स्ट्रॉबेरी संशोधन केंद्र सुरू व्हावे अशी मागणी होती.
राहुरी कृषी विद्यापीठाने या संशोधन केंद्राला हिरवा कंदील दाखविल्याने संशोधन केंद्र उभारणीचा मार्ग मोकळा झाला.
गहू गेरवा संशोधन केंद्राची नाकिंदा (ता. महाबळेश्वर) येथे २५ एकर जागा असून, यापैकी तीन एकर जागेवर हा प्रकल्प उभा राहत आहे.