Anuradha Vipat
दिवाळी फराळात बऱ्याचदा रव्याचे किंवा बुंदीचे लाडू बनवताना साखरेचा पाक चुकला की मिश्रण एकतर कडक होते किंवा खूप पातळ राहते.
पण अजिबात काळजी करू नका, पाक बिघडल्यास मिश्रण फेकून न देता ते पुन्हा मऊ आणि योग्य कसे करावे, याचे सोपे उपाय खालीलप्रमाणे आहेत.
कोरड्या झालेल्या मिश्रणावर २ ते ३ चमचे कोमट दूध किंवा कोमट पाण्याचा हबका मारा . दुधामुळे साखर लगेच मऊ पडते आणि लाडू सहज वळता येतात.
जर तुम्हाला लाडू महिनाभर टिकवायचे असतील तर दूध न वापरता, २-३ चमचे शुद्ध तूप कोमट करून मिश्रणात घाला आणि व्यवस्थित चोळून घ्या. तुपामुळे मिश्रणाला छान ओलसरपणा येतो.
संपूर्ण मिश्रण एका कढईत काढून घ्या. गॅस अगदी मंद ठेवून कढई फक्त १ मिनिट कोमट करा आणि लगेच गॅस बंद करा.
पातळ मिश्रण कढईत टाका. गॅस मंद ठेवून १ ते २ मिनिटे हलके परतून घ्या. यामुळे त्यातील पाण्याचा अंश वाफेच्या रूपाने उडून जाईल आणि मिश्रण घट्ट होईल.
जर मिश्रण थोडेच पातळ असेल, तर बाजूला एका चमच्यात थोडे तूप घेऊन २-३ चमचे बारीक रवा खमंग भाजून घ्या आणि तो या मिश्रणात गरम गरम टाका.