Anuradha Vipat
दिवाळीच्या साफसफाईमध्ये सर्वात मोठे आणि कठीण आव्हान असते ते म्हणजे स्वयंपाकघर स्वच्छ करणे.
मसाल्यांचे तेलकट-चिकट डबे, गॅस शेगडी शेजारील तेलकट टाईल्स आणि एक्झॉस्ट फॅन साफ करताना महिलांची खूप दमछाक होते.
हे काम सोपे करण्यासाठी आणि रासायनिक क्लिनर्सऐवजी घरात उपलब्ध असणाऱ्या गोष्टींचा वापर करून किचन चकाचक करण्याचे सोपे घरगुती उपाय खालीलप्रमाणे आहेत.
बाऊलमध्ये बेकिंग सोडा, डिशवॉश लिक्विड आणि थोडे कोमट पाणी एकत्र करून पेस्ट बनवा. ही पेस्ट डब्यांवर लावून ५ ते १० मिनिटे ठेवा. नंतर स्क्रबरने हलके घासून कोमट पाण्याने धुवून घ्या.
स्प्रे बॉटलमध्ये अर्धा कप पांढरा व्हिनेगर आणि अर्धा कप पाणी एकत्र करा. हे मिश्रण तेलकट टाईल्सवर स्प्रे करा आणि १५ मिनिटांसाठी तसेच राहू द्या.
एक्झॉस्ट फॅनचे पाते काढून घ्या. कडक गरम पाणी घ्या आणि त्यात कपडे धुण्याची पावडर व २ चमचे लिंबाचा रस घाला. फॅनचे पाते आणि खिडकीची जाळी या पाण्यात २० मिनिटे बुडवून ठेवा.
अर्धे कापलेले लिंबू घ्या आणि त्यावर थोडे मीठ टाका. या लिंबाने काळे पडलेले कोपरे आणि गॅस शेगडीचा स्टीलचा भाग रगडून घासा.