Anuradha Vipat
पनीर हे आरोग्यासाठी पौष्टिक असले तरी, काही विशिष्ट शारीरिक समस्या असलेल्या लोकांसाठी ते हानिकारक ठरू शकते.
ज्यांना वारंवार अपचन, गॅस किंवा ॲसिडिटीचा त्रास होतो, त्यांनी पनीर खाणे टाळावे.
ज्या लोकांना दुग्धजन्य पदार्थांची ॲलर्जी आहे किंवा दूध पचत नाही, त्यांना पनीर खाल्ल्याने पोटदुखी, जुलाब किंवा उलट्या होऊ शकतात.
बाहेरच्या पनीरमध्ये साठवणुकीसाठी मीठ जास्त असू शकते, ज्यामुळे रक्तदाब वाढू शकतो.
पनीरमध्ये सॅच्युरेटेड फॅट असते. कोलेस्ट्रॉलची पातळी जास्त असलेल्या रुग्णांनी पनीरचे अतिसेवन करू नये.
जर तुम्ही वजन कमी करण्याचा प्रयत्न करत असाल, तर पूर्ण चरबीयुक्त दुधाचे पनीर खाणे टाळावे.
काही लोकांना पनीर खाल्ल्याने त्वचेवर खाज किंवा पुरळ येण्याची शक्यता असते.