sandeep Shirguppe
श्री अंबाबाई मंदिर विकास प्राधिकरणांतर्गत करण्यात आलेल्या १४४७ कोटींच्या आराखड्याला जिल्हास्तरीय समितीने मंजुरी दिली.
महापालिकेचा आराखडा व प्राधिकरणअंतर्गत आराखडा या दोन्हींमध्ये समावेश असलेली कामे व त्याची रक्कम एका आराखड्यातून वगळून ही मंजुरी देण्यात आली.
श्री अंबाबाई परिसर पुनर्विकास आराखड्याचे सादरीकरण झाले.
तो मंजूर करण्यात आला आणि पुढील मंजुरीसाठी शासनाकडे पाठवण्याचे ठरले.
महापालिकेने अंबाबाई मंदिर परिसर विकासासाठी बनविलेल्या २५५ कोटींच्या आराखड्या अंतर्गत ४५ कोटींच्या निधीला मंजुरी मिळाली आहे.
दर्शन मंडप, पार्किंगसारखी काही कामे करण्यात येणार आहेत. या दोन्ही आराखड्यांचे प्रस्ताव शासनाला पाठविले आहेत.
छाननी करताना एकच काम दोन्ही आराखड्यात असल्याने एका आराखड्यातून ते काम व त्याची रक्कम वगळण्यात यावी, अशी सूचना शासनाने केली आहे.
ही कामे वगळून सुधारित आराखड्याला जिल्हास्तरीय समितीच्या बैठकीत मंजूरी देण्यात आली.