Mahesh Gaikwad
आजकाल आरोग्याच्या बाबतीत अनेकजण जागरूक झाल्याचे आपण पाहतो. आजारांपासून दूर राहण्यासाठी बरेचजण घरगुती उपाय करतात.
आरोग्य स्वस्थ ठेवण्यासाठी लोक कारल्याचा रसही पितात. कारल्यामध्ये आढळणाऱ्या पोषक तत्त्वांचे अनेक फायदे आहेत.
कारल्याचा रस आरोग्यासाठी फायदेशीर जरी असला तरी उन्हाळ्यात कारल्याचा रस प्यावा की नाही याबाबत अनेकांना माहित नसते.
आज आपण हेच जाणून घेणार आहोत की, उन्हाळ्यात कारल्याचा रस प्यावा की नाही.
कारल्यामध्ये तंतुमय पदार्थ, अनेक प्रकारची जीवनसत्त्वे, कॅल्शिअम आणि लोह मोठ्या प्रमाणात आढळतात.
उन्हाळ्यात कारल्याचा रस पिला तरी चालतो, मात्र दररोज पिणे टाळले पाहिजे.
उन्हाळ्याच्या दिवसांत दररोज कारल्याचा रस प्यायल्यास पोटात जळजळ होऊ शकते.
जास्त प्रमाणात कारल्याचा रस प्यायल्यास अतिसाराची समस्या उद्भवू शकते. त्यामुळे आठवड्यातून दोन ते तीन वेळा कारल्याचा रस पिणे पुरेसे असून जास्त पिणे टाळावे.