Aslam Abdul Shanedivan
राज्यात लोकसभा निवडणुकीमुळे चांगलेच राजकारण तापले आहे. आरोप प्रत्यारोपाच्या फैरी झाडल्या जात आहेत.
कालच मुख्यमंत्री एकनाथ शिंदे यांनी जोरदार शक्ती प्रदर्शन करत महायुतीचे उमेदवार संजय मंडलिक आणि धैर्यशील माने यांचा उमेदवारी अर्ज दाखल केला
यानंतर आज इंडिया आघाडी व महाविकास आघाडीने आज प्रचंड उत्साहात आणि हजारो कार्यकर्त्यांच्या उपस्थितीत रॅली काढली.
ही रॅली कोल्हापूर लोकसभा मतदारसंघातील मविआचे उमेदवार श्रीमंत शाहू छत्रपती महाराज यांचा उमेदवारी अर्ज दाखल करण्यासाठी काढण्यात आली होती.
या काढण्यात आलेल्या रॅलीत इंडिया आघाडी व महाविकास आघाडीच्या कार्यकर्त्यांमध्ये प्रचंड उत्साह दिसला
या रॅलीत आमदार सतेज उर्फ बंटी पाटील, संभाजीराजे छत्रपती, आमदार पी. एन. पाटील, सरोज (माई) पाटील, मालोजीराजे छत्रपती, आमदार ऋतुराज पाटील, आमदार जयश्री जाधव उपस्थित होत
तसेच आमदार जयंत आसगावकर, संजयबाबा घाटगे, विजय देवणे, संजय पवार, व्ही.बी. पाटील, ए.वाय. पाटील, आर. के. पोवार, कॉम्रेड दिलीप पवार, आपचे जिल्हाध्यक्ष संदीप देसाई यांच्यासह इतर अनेक नेते उपस्थित होते