Swarali Pawar
उन्हाळ्यात वाढलेल्या तापमानामुळे गांडूळांवर ताण येतो. योग्य काळजी घेतल्यास गांडूळखताचे नुकसान टाळता येते.
गांडूळ बेडवर थेट सूर्यप्रकाश पडू देऊ नका. शेडनेट, गोणपाट किंवा पेंढ्याने आच्छादन करा.
बेडमध्ये ४०-५०% ओलावा राखणे गरजेचे आहे. सकाळी आणि संध्याकाळी हलकी पाण्याची फवारणी करा.
बेडवर ओलसर गोणपाट टाकल्याने गारवा टिकतो. पाण्याच्या बाटल्या किंवा थेंबथेंब पाणी देणे उपयोगी ठरते.
बेडमध्ये पाणी साचू देऊ नका. योग्य निचऱ्यामुळे गांडूळ गुदमरून मरत नाहीत.
ताजे शेण टाळा, अर्धवट कुजलेले शेण वापरा. यामुळे बेडचे तापमान नियंत्रणात राहते.
गांडूळखताचा बेड ६० सेमीपेक्षा जास्त उंच करू नका. यामुळे आतमध्ये उष्णता साठत नाही.
उंदीर, मुंग्या यापासून बचावासाठी राख वापरा. तयार खत सावलीत वाळवून पुन्हा गांडूळ बेडमध्ये टाका.