Swarali Pawar
खत देणे, तण काढणे आणि भर लावणे ही तीनही कामे आता एकाच फेरीत करता येतात. यामुळे वेळ, मजुरी आणि इंधनाची मोठी बचत होते.
हे यंत्र मका, ऊस, बटाटा आणि रुंद ओळीतील पिकांसाठी उपयुक्त आहे. ५० सेंटीमीटरपेक्षा जास्त ओळीतील अंतर असलेल्या पिकांत याचा वापर करता येतो.
सर्वप्रथम यंत्र तण कापते आणि माती हलकी करते. त्यानंतर खत टाकून शेवटी झाडांना भर लावते.
हे यंत्र खत झाडापासून ५ ते १० सेंटीमीटर अंतरावर पट्टा पद्धतीने देते. यामुळे अन्नद्रव्यांचा कार्यक्षम वापर होऊन खताची बचत होते.
यंत्र झाडाभोवती सुमारे १० सेंटीमीटरपर्यंत माती चढवते. यामुळे झाडांना आधार मिळून मुळांची वाढ चांगली होते.
खत देतानाच तण नियंत्रणाचे कामही पूर्ण होते. त्यामुळे स्वतंत्र आंतरमशागतीचा खर्च आणि वेळ वाचतो.
या यंत्राची कार्यक्षमता सुमारे ८२ टक्के आहे. एका तासात सुमारे ०.५६ हेक्टर क्षेत्राची आंतरमशागत करता येते.
या ट्रॅक्टरचलित यंत्राची अंदाजे किंमत ५० हजार रुपये आहे. मोठ्या क्षेत्रातील मका, ऊस आणि रुंद ओळीतील पिकांसाठी हे यंत्र फायदेशीर ठरू शकते.