Anuradha Vipat
नखे कुरतडणे किंवा नखे चावणे ही लहान मुलांपासून ते मोठ्यांपर्यंत अनेकांमध्ये आढळणारी एक अतिशय सामान्य पण वाईट सवय आहे.
ताणतणाव, भीती, अस्वस्थता किंवा रिकाम्या वेळेत लक्ष दुसरीकडे वळवण्यासाठी लोक नकळत नखे कुरतडू लागतात.
नखे कुरतडल्यामुळे नखांचे सौंदर्य तर बिघडतेच, पण नखांमधील जंतू पोटात गेल्याने अनेक आजारही होऊ शकतात.
नखे कुरतडण्याचा सर्वात सोपा मार्ग म्हणजे नखे वाढूच न देणे. नखे नेहमी नेल कटरने ट्रिम करून बारीक ठेवा.
बाजारात खास नखे चावण्याची सवय सोडवण्यासाठी 'कडवट चवीचे' नेलपॉलिश मिळतात. ते नखांवर लावल्याने जसे तुम्ही नख तोंडात न्याल, तशी कडवट चव लागेल आणि तुम्ही नख चावणे थांबवाल.
नखांना सुंदर आकार देऊन चांगल्या नेलपॉलिशने सजवा. नखे छान दिसू लागली की ती कुरतडून खराब करण्याची तुमची इच्छा होणार नाही.
जर सवय खूपच जास्त असेल, तर घरी असताना बोटांना बँड-एड लावा किंवा हातमोजे वापरा.