sandeep Shirguppe
सध्या लग्न सराई आणि समारंभात गुलाबाच्या फुलांसाठी जगभरात मागणी आहे. पुण्यातील तळेगावमध्ये ४ एकरातील गुलाबाची शेती सगळ्यांना भूरळ घालत आहे.
पुण्यातील मल्हार ढोले यांनी व्हॅलेंटाईन डे आणि लग्न सराईच्या दृष्टीने झाडांची लागवड केली आहे. २ ते ५ वर्षापर्यंत ही झाडे वाढली आहेत.
यासाठी त्यांनी एकरी १ टन शेणखत आणि ५०० किलो सुपर फॉस्फेट खत मात्रा देत आहेत. तसेच बुरशीनाशकाची फवारणीही करत आहेत.
१४ फेब्रुवारी हा ‘व्हॅलेंटाइन डे’ निमीत्त आतापासूनच नियोजन सुरू आहे. सध्या २० रुपये प्रति फूल असा दर आहे.
निर्यातक्षम उत्पादनासाठी थंडीची गरज असते, यासाठी रात्रीचे तापमान १०, तर दिवसाचे तापमान २० अंश सेल्सिअसपर्यंतची गरज सध्या आहे.
तर झालेल्या पावसामुळे आणि सततच्या ढगाळ वातावरणामुळे तापमानात बदल होत आहे. मात्र पुढील आठवड्यात चांगली थंडी पडून पोषक वातावरण निर्माण होईल, असा अंदाज आहे.
निर्यातदारांना किमान एका फुलामागे ५ रुपयांचे मार्जिन राहिले, तर ते फायदेशीर राहते. मात्र सध्या दोन रुपये मार्जिन असल्याने निर्यात थंडावली आहे.
हीच निर्यात जानेवारी अखेरपासून फेब्रुवारीच्या सहा, सात तारखेपर्यंत वाढण्याचा ढोले यांचा अंदाज आहे. अधिक माहितीसाठी मल्हार ढोले यांचा संपर्क ९४२३२०४६५४